Корхонаи Воҳиди Давлатии
"ХОҶАГИИ МАНЗИЛИЮ КОММУНАЛӢ"
+(992) 372 334983
Тамос бо мо
Русский (RU) Тоҷикӣ (TJ)

Роҳбарият

Табарзода Ҷамшед Афзал

Директори генералӣ

ТАМОС

ТАРҶУМАИ ҲОЛ

        Табарзода Ҷамшед Афзал 2 октябри соли 1965 дар ноҳияи Мир Саид Алии Ҳамадонӣ дар оилаи омӯзгор таваллуд шудааст. Миллаташ тоҷик мебошад.
         Дар соли 1972 ба синфи 1-уми мактаби миёнаи ноҳияи мазкур рафта, соли 1982 мактаби миёнаро бо муваффақият хатм кардааст.
          Соли 1982 ба Донишкадаи политехникии Тоҷикистон дохил шуда, Соли 1990 ин Донишкадаро бо ихтисоси сохтмони саноатӣ ва гражданӣ хатм намудааст.
Дар муддати таҳсил дар донишкада 2 сол дар сафи Қувваҳои Мусаллаҳи Иттиҳоди Шуравӣ (Муғулистон) адои хизмат намудааст.
       Фаъолияти меҳнатиашро аз соли 1990 ба ҳайси устои минтақавӣ, баъдан прораб, баъдан сардори участка, муовини сардор ва сардор оғоз намудааст. Соли 1999 дар вазифаҳои сардори Раёсати сохтмонии №23, сардори Ширкати сохтмони давлатии «Тоҷиксохтмон», шаҳри Душанбе фаъолият намудааст.
      Аз соли 1999 то соли 2004 дар вазифаи Директори Ҷамъияти саҳомии «Саноатсохтмон», шаҳри Душанбе фаъолият намудааст.
      Аз моҳи август то моҳи октябри соли 2004 ҳамчун ҷонишини директори Муассисаи мелиоративии Вазорати мелиоратсия ва хоҷагии оби Ҷумҳурии Тоҷикистон кор кардааст.
        Соли 2004 бо фармони Президенти Ҷумҳурии Тоҷикистон, директори Маркази идораи Лоиҳаи рушди инфраструктураи маҳаллӣ (коммуналӣ) дар Ҷумҳурии Тоҷикистон таъин гардида, то соли 2015 дар ин вазифа адои хизмат намудааст.
         Бо фармони Президенти Ҷумҳурии Тоҷикистон аз моҳи апрели соли 2015 Раиси ноҳияи Фирдавсии шаҳри Душанбе таъин гардида, то ноябри соли 2018 Раиси ноҳияи Фирдавсӣ буд.
      Бо қарори Ҳукумати Ҷумҳурии Тоҷикистон аз моҳи ноябри соли 2018 директори генералии корхонаи воҳиди давлатии “Хоҷагии манзилию коммуналӣ” таъин гардид.
      Вакили Маҷлиси вакилони халқи ноҳияи Фирдавсии шаҳри Душанбе дар даъватҳои сеюму чорум ва панҷум мебошад.
       Соли 2010 дар семинари байналмилалии Идоракунии молиявӣ дар шаҳри Турини Италия иштирок намудааст. Соли 2012 курси такмили ихтисосро дар шаҳри Москваи Федератсияи Россия гузаштааст.
         Аз соли 2006 узви Ҳизби Халқии Демократии Тоҷикистон мебошад.
     Соли 2012 бо Ифтихорномаи Президенти Ҷумҳурии Тоҷикистон сарфароз гардонида шудааст.
         Оиладор, соҳиби се фарзанд мебошад.


Сафарзода Бахтиёр Ғанӣ

Муовин

ТАМОС

ТАРҶУМАИ ҲОЛ

        Сафарзода Бахтиёр Ғанӣ 5 декабри соли 1968 дар деҳаи Фалҳобод ноҳияи Данғараи (ҳозира Темурмалик) вилояти Хатлон дар оилаи омӯзгор таваллуд шудааст. Миллаташ тоҷик аст.
         Соли 1976 ба мактаби миёнаи таҳсилоти умумии №1-и ноҳияи Темурмалик рафта соли 1986 мактабро бо муваффақият хатм намудааст.

        Соли 1993 Донишгоҳи давлатии Тоҷикистонро бо ихтисоси иқтисодчӣ ва соли 2007 Донишкадаи иқтисодии Тоҷикистонро бо ихтисоси ҳуқуқшинос хатм намудааст. Аз соли 2017 дар Академияи хоҷагии халқ ва хизмати давлатии назди Президенти Федератсияи Россия таҳсил намуда истодааст.
       Аз соли 1988 то соли 1989 дар сафи қувваҳои мусаллаҳи Итиҳоди Шуравӣ хизмат намудааст.
        Фаъолияти меҳнатиашро аз соли 1993 ба ҳайси иқтисодчӣ оид ба таъминоти шуъбаи муҳосиботи корхонаи мардумии “Ширин” дар шаҳри Душанбе оғоз намуда, солҳои 1994-2000 ба ҳайси мудири анбори шуъбаи таъминоти корхонаи мазкур фаъолият намудааст.
       Солҳои 2000 - 2006 сармуҳосиби шуъбаи ҳифзи иҷтимоии аҳолии мақомоти иҷроияи ҳокимияти давлатии ноҳияи Синои шаҳри Душанбе кор кардааст.
         Соли 2004 ба ӯ рутбаи тахассусии референти хизмати давлатии дараҷаи дуюм дода шуд.
       Соли 2006 ба ҳайси сардори шуъбаи банақшагирӣ ва иқтисодиёт ва баъдан сармуҳосиби корхонаи лоиҳакашии сохтмонии “Тоҷикселхозводопроводстрой”-и Вазорати мелиоратсия ва захираҳои оби Ҷумҳурии Тоҷикистон фаъолият намудааст.
          Солҳои 2006 то 2009 дар вазифаи сармуҳосиби Раёсати сохтмони лоиҳакашии истифодабарии оби нушокии деҳот ва чарогоҳҳои Вазорати мелиоратсия ва захираҳои оби Ҷумҳурии Тоҷикистон кор кардааст.
        Соли 2008 ба ӯ рутбаи тахассусии мушовири хизмати давлатии дараҷаи дуюм дода шуд.
       Солҳои 2009 - 2012 дар вазифаи сармуҳосиби Муассисаи давлатии “Сарраёсати Тоҷикобдеҳот”-и Вазорати мелиоратсия ва захираҳои оби Ҷумҳурии Тоҷикистон кор кардааст.
       Солҳои 2012-2013 дар вазифаи сармуҳосиби Муассисаи давлатии “Сарраёсати Тоҷикобдеҳот”-и Корхонаи воҳиди давлатии “Хоҷагии манзилию коммуналӣ” кор кардааст.
     Солҳои 2013-2015 Ҷонишини сардори Муассисаи давлатии “Сарраёсати Тоҷикобдеҳот”-и Корхонаи воҳиди давлатии “Хоҷагии манзилию коммуналӣ” буд.
       Солҳои 2015-2016 ба ҳайси иҷрокунандаи вазифаи сардори Муассисаи давлатии “Сарраёсати Тоҷикобдеҳот”-и Корхонаи воҳиди давлатии “Хоҷагии манзилию коммуналӣ” ва солҳои 2016-2019 ба ҳайси сардори Муассисаи давлатии “Сарраёсати Тоҷикобдеҳот”-и Корхонаи воҳиди давлатии “Хоҷагии манзилию коммуналӣ” фаъолият намудааст.

          Бо Қарори Ҳукумати Ҷумҳурии Тоҷикистон аз январи соли 2019 муовини директори генералии Корхонаи воҳиди давлатии “Хоҷагии манзилию коммуналӣ” таъин гардид.

         Вакили Маҷлиси вакилони халқи ноҳияи Фирдавсии шаҳри Душанбе дар даъвати шашум мебошад.
         Аз соли 1996 узви Ҳизби Халқии Демократии Тоҷикистон мебошад.
         Оиладор ва соҳиби 3 фарзанд мебошад.