Корхонаи Воҳиди Давлатии
"ХОҶАГИИ МАНЗИЛИЮ КОММУНАЛӢ"
+(992) 372 334983
Тамос бо мо
Русский (RU) Тоҷикӣ (TJ)

Ахборот

Ободии Ватан аз ободии коргоҳу хонаи мо сар мешавад!

Баҳри сазовор ҷашн гирифтани 31 солагии истиқлолияти Давлатии кишвари азизамон имруз дар Корхонаи воҳиди давлатии "Хоҷагии манзилию коммуналӣ" бо иштироки коллективи Корхона шанбегии дастаҷамъона баргузор гардид.
Дар шанбегии дастаҷамҷона аҳли кормандони Корхона бо ҳисси баланди Ватандустӣ, баҳри ободу зебо намудани гирду атрофи Корхона заҳмат кашиданд.
Дар боғи назди Корхона, ки иборат аз дарахтони зебову сояафкан ва мевадиҳанда мебошад корҳои ободонӣ баргузор карда шуд.
Инчунин дар боғи мавҷуда ва саҳни ҳавлии Корхона гулҳои мавсимии зебо шинонида шуданд, ки ба зебогии боғи назди Корхона зебогии дигаре зам намуданд.
Аҳли кормандон тасмим гирифтаанд, ки баҳри боз ҳам зебо намудани гушае аз қалби Тоҷикистони азиз мунтазам ҳашарҳои дастаҷамъона ташкил намоянд.









03.09.2022 Муфассал >>

Нишасти Матбуотӣ

Корхонаи воҳиди давлатии «Хоҷагии манзилию коммуналӣ» баҳри иҷрои супориши Роҳбари дастгоҳи иҷроияи Президенти Ҷумҳурии Тоҷикистон аз 28 июни соли 2022, №26/10-272 тибқи Нақшаи баргузории Нишастҳои матбуотӣ 29 июли соли 2022 дар мувофиқа бо АМИТ “Ховар” соати 1030 ин чорабиниро дар бинои маъмурии корхона воқеъ дар шаҳри Душанбе, кӯчаи Н. Қарабоев, 56 бо иштироки муовини аввали Директори генералӣ, сардорони шуъбаҳои корхона ва директорони корхонаҳои тобеъ баргузор намуд.

Дар нишасти матбуотӣ, ки ба фаъолияти иқтисодию молиявии корхонаҳои тобеи КВД “Хоҷагии манзилию коммуналӣ” дар нимсолаи якуми соли 2022 ва нақшаҳо барои нимсолаи дуюми соли 2022 бахшида шуда буд, намояндагони ВАО-и даъватшуда ширкат намуданд.

Дар нишасти доирнамудаи КВД «Хоҷагии манзилию коммуналӣ» намояндагони васоити ахбори оммаи ҷумҳурӣ аз он ҷумла: Садои Душанбе, Радиои Тоҷикистон, Телевезони сайёҳӣ ва ҳунарҳои мардумӣ, Радиои озодӣ, Радио халқ овозӣ, Муассисаи давлатии “Телевезони Сафина”, Радиои Ховар, Радиои Тоҷикистон, Муассисаи давлатии “Телевезони Ҷаҳоннамо” рўзномаву ҳафтаномаҳои «Ҷавонони Тоҷикистон», «Садои мардум», “Ҷавонони Тоҷикистон”, Агентии иттилоотии “Авеста”, Агентии миллии иттилоотии Тоҷикистон «Ховар», “Рӯзномаи фараж”ва “Роҳбари гуруҳи эҷодии Пайк”ва ғайраҳо иштирок намуданд.

Ба намояндагони ВАО - и иштирокдошта раҳнамои матбуот бо забони тоҷикӣ, ки ҳама паҳлўҳои фаъолияти корхонаро дар давраи ҳисоботӣ фаро мегирифт, дастрас карда шуд.

Дар оғози чорабинӣ муовини аввали Директори генералии Корхонаи воҳиди давлатии “Хоҷагии манзилию коммуналӣ” Ғафорзода Ҷ.М., ба иштирокдорони нишаст доир ба фаъолияти иқтисодию молиявии корхонаҳои тобеи КВД «Хоҷагии манзилию коммуналӣ» дар нимсолаи якуми соли 2022 ва нақшаҳо барои нимсолаи дуюми соли 2022 маълумоти муфассал дод.

Сипас дар байни намояндагони ВАО ва муовини аввали Директори генералии КВД “Хоҷагии манзилию коммуналӣ” , сардорони шуъбаҳои дастгоҳи марказӣ ва директорони корхонаҳои тобеъ табодули афкор сурат гирифт, ки ба ҳамаи саволҳои додашуда, намояндагони ВАО посухҳои қонеъкунанда гирифтанд.

Ҳамзамон, аз ҷониби муовини аввали Директори генералии КВД “Хоҷагии манзилию коммуналӣ” изҳори бовари карда шуд, ки намояндагони ВАО дар инъикоси реалии масъалаҳои ҳалталаби соҳаи хоҷагии манзилию коммуналӣ бо корхона ҳамкориҳои судманд ба роҳ монанд, чун ки ин ҳамкориҳо ба беҳдошти сатҳу сифати зиндагии аҳолии Ҷумҳурии Тоҷикистон равона хоҳад шуд.

Қобили қайд аст, ки дар бораи баргузории нишасти матбуотии КВД “Хоҷагии манзилию коммуналӣ” тариқи васоити ахбори омма, аз ҷумла дар телевизиону радио намоишу хабарҳо пахш гардида, дар рўзномаву ҳафтаномаҳои ҷумҳуриявии болозикр мақолаҳои дахлдор табъу нашр шуда истодааст.

Бинобар сабаби хуб набудани саломатии Директори генералии КВД “Хоҷагии манзилию коммуналӣ” муовини аввали Директори генералӣ нишасти матбуотиро гузаронид.

29.07.2022 Муфассал >>

Ҷамъбасти шашмоҳаи якуми соли 2022

Ҷамъбасти фаъолияти иқтисодию молиявии

корхонаҳои тобеи КВД «ХМК» дар шашмоҳаи якуми соли 2022

ва нақшаҳо барои шашмоҳаи дуюми соли 2022

Имруз дар маҷлисгоҳи Корхонаи воҳиди давлатии “Хоҷагии манзилию коммуналӣ” ҷаласаи ҷамъбастии фаъолияти иқтисодию молиявии корхонаҳои тобеи КВД «ХМК» дар шашмоҳаи якуми соли 2022 ва нақшаҳо барои шашмоҳаи дуюми соли 2022 баргузор гардид.

Ҷаласаро Директори генералии КВД «Хоҷагии манзилию коммуналӣ» Давлатзода У. Г., ифтитоҳ бахшида, ҳозиринро бо рӯзномаи ҷаласа шинос намуд ва онҳоро ба омад – омади иди Қурбон табрик намуд.

Сипас, муовини якуми Директори генералии КВД “Хоҷагии манзилию коммуналӣ” Ғафорзода Ҷ. М., дар бораи фаъолияти иқтисодию молиявии КВД “Хоҷагии манзилию коммуналӣ” дар давраи ҳисоботӣ ва мушкилиҳои дар соҳаи хоҷагии манзилию коммуналӣ ҷойдошта ва ҳалли онҳо баромад намуд (замима мегардад).

Директори генералӣ Давлатзода У. Г., ба таҳлили фаъолияти корхонаҳои тобеъ шурӯъ намуда, сухани навбатиро ба Абдуллоев Н. – сардори Шуъбаи иқтисод дода дар рафти ҷаласаи мазкур Директори генералӣ оид ба иҷрои супоришҳои Ҳукумати Ҷумҳурии Тоҷикистон, дар бораи шартномаҳои уҳдадориҳои қарзии БАТР суханрони намуда, аз ҷониби ў вобаста ба масъалаҳои ҳалталаби мазкур ба роҳбарони корхонаҳои тобеъ дар шаҳру ноҳияҳои ҷумҳурӣ супоришҳои қатъӣ дода шуд.

Дар рафти ҷаласа барои ислоҳи камбудиҳои ҷойдошта ва дар сатҳи зарурӣ иҷро намудани нишондиҳандаҳои молиявӣ дар назди Корхона ва БАТР, ҷиҳати саривақт дастрас намудани сертификати ҳуқуқи истифодаи замин ва иљрои сариваќтии дастуру супоришҳои Роҳбарияти КВД «Хоҷагии манзилию коммуналӣ» ба директорони корхонаҳои тобеъ, аз он ҷумла: КДФ “О ва К”-и н. Ёвон, КДФ “О ва К”-и н. Муъминобод, КДФ “О ва К”-и ш. Панҷакент, КДФ “О ва К”-и н. Шаҳристон, КДФ “О ва К”-и н. Данғара, КДФ “О ва К”-и   ш. Кӯлоб, КДФ “О ва К”-и н. Ванҷ инчунин, КДФ “ХМК” ш. Бохтар, КДФ “ХМК” н. Хуросон, КДФ “ХМК” мавзеи Кангурт, КДФ “ХМК” н.Ҷ. Балхӣ, КДФ “ХМК” н. Муминобод, КДФ “ХМК” н. Балҷувон, КДФ “ХМК” ш. Ҳисор, КДФ “ХМК” ш. Панҷакент, КДФ “ХМК” ш. Исфара ва КДФ “ХМК” н. Рушон. “Ифтихорнома” эълон карда шуд.

            Сардори шуъбаи кадрҳо ва масъалаҳои ҳуқуқӣ Тағаймуродова Б., - вазифадор карда шуд, ки барои пурра иҷро накардани нақшаҳои молиявию иқтисодии ҷамъбастии нимсолаи якуми соли 2022, саривақт иҷро накардани супоришу фармонҳои КВД “ХМК”, роҳ додан ба зиёд шудани қарзҳои дебиторию кредиторӣ, Директорони корхонаҳои тобеи шаҳру ноҳияҳои ҷумҳурӣ: КДФ “ХМК” н. Қубодиён, КДФ “ХМК” н. Тоҷикобод, КДФ “ХМК” н. Шаҳритус, КДФ “ХМК” н. Н. Хусрав инчунин КДФ “О ва К”-и н. Шаҳритус, КДФ “О ва К”-и н. Ҷайҳун, КДФ “О ва К”-и н. Нуробод, КДФ “О ва К”-и н. Зафаробод, КДФ “О ва К”-и н. Ш. Шоҳин ва КДФ “О ва К”-и н. Қубодиён мутобиқи Кодекси меҳнати Ҷумҳурии Тоҷикистон, нисбаташон муҷозот пешниҳод карда шавад.

Барои ислоҳи камбудиҳои ҳалталаби мавҷудаи дахлдор Директорон ва сардорони корхонаҳои КДФ “О ва К”-и н. Ҷайҳун, КДФ “О ва К”-и                      н. Шаҳритус, КДФ “О ва К”-и н. Зафаробод, инчунин тамоми корхонаҳои тобеъ вазифадор карда шудаанд, ки ҷиҳати бартараф намудани қарзҳои дебиторию кредиторӣ, шартномаи байниҳамдигарӣ 8%, ќарзњои музди меҳнат, барқ, андоз, қарзҳои солҳои гузашта бо ҳуҷҷатҳои тасдиқкунандаашон, зиёд намудани ҳудуди хизматрасонї, ҷиддӣ чораҷӯӣ намоянд. Инчунин Директори генералӣ ба директорони намояндагиҳо ва директорону сардорони корхонаҳои тобеъ супориш дода шуд, ки ташкилотҳои буҷетӣ, ки дар шаҳру ноҳияҳо фаъолият мекунанд ва қарзҳои байни корхонаҳои тобеъро пардохт намекунанд, ба тариқи хаттӣ ба Прокуратураи генералӣ оиди пардохти қарзҳо мактуб ирсол намоянд. Масъулон директорони намояндагиҳо, сардори шуъбаи иқтисоди Корхона, сардори шуъбаи баҳисобгирии муҳосибавӣ ва сиёсати молиявӣ, директорони корхонаҳои тобеъ аз натиҷаи корҳои ба анҷом расонидаашон ба тариқи хаттӣ ба Директори генералӣ маълумоти дахлдор пешниҳод намоянд.

Ба директорони КДФ О ва К - и шаҳру ноҳияҳои ҷумҳурӣ супориш дода шуд, ки ҷиҳати бартараф намудани мушкилотҳои ҳалталаби ҷойдошта, аз он ҷумла: зиёд намудани ҷамъоварии маблағи ҳаққи хизматрасонӣ ва саривақт пардохт намудани қарзҳои мавҷуда, ҷиҳати бартараф намудани қарзҳои дебиторию кредиторӣ, шартномаи байниҳамдигарӣ 8%, ќарзњои музди меҳнат, барқ, андоз, зиёд намудани ҳудуди хизматрасонї тартибдодани санадҳои муқоисавӣ бо ташкилотҳои буҷетӣ ва соҳибкорон ҳамкорӣ намуда, дар ин раванд бо корхонаҳои буҷетӣ чораҳои заруриро роҳандозӣ намоянд.

Аз ҷониби Директори генералӣ ба ҳамаи директорони корхонаҳои тобеи КВД “ХМК” супориш дода шуд, ки барои бозҳам хубтару беҳтар гардонидани симои шаҳру ноҳияҳои ҷумҳурӣ заминҳои барои гармхонаҳо ҷудогардидаро самаранок истифода намуда, барои таъмин намудани обёрӣ чораҷӯӣ намоянд.

Дар рафти ҷаласа Директори генералӣ ба саҳми ҳамаи директорон ва сардорони корхонаҳои тобеъ расонид, ки яке аз масъалаҳои ҳалталаби соҳа ин ба пурраги таъмин набудани соҳаи мазкур бо техникаҳои коммуналӣ мебошад, дар ин раванд Корхона дар доираи лоиҳаҳои дар самти мазкур омодагардида бо Ташкилоти байналмилалии JICA – и Ҷопон ҳамкорӣ намуда истодааст, ки дар оянда ин мушкилоти соҳа ҳалли худро хоҳад ёфт. Инчунин қайд намудаанд, ки дар нимсолаи аввали соли 2022 аз ҳисоби маблағҳои худии Корхона ба корхонаҳои тобеъ техникаҳои лозима харидори карда, супорида шуд.

Дар рафти ҷаласа аз ҷониби Директори генералӣ ба директорони намояндагиҳо, инчунин ҳамаи директорон ва сардорони корхонаҳои тобеъ супориш дода шуд, ки ҷиҳати қарори Ҳукумати Ҷумҳурии Тоҷҷикистон №53 аз 27.02.2022 “Дар бораи Барномаи рушди хоҷагии манзилию коммуналии Ҷумҳурии Тоҷикистон барои солҳои 2021-2024” корбари намуда маблағҳои дар самти коммуналӣ ҷудогардидаро аз мақомоҳои иҷроия ҳокимияти давлатӣ талаб намоянд. Абдуллоев Н. – сардори шуъбаи иқтисод оиди масъалаи мазкур вобаста карда шуд. Инчунин Директори генералӣ қайд намудаанд, ки дар ҳолати дастгири наёфтани қарори мазкур дар дилхоҳ шаҳру ноҳия директорони корхонаҳои тобеъ ба тариқи хаттӣ оиди масъалаи мазкур ба роҳбарияти Корхона ба тариқи хаттӣ муроҷиат намоянд.

Дар рафти ҷаласаи мазкур сухани навбати ба директори намояндагӣ дар вилояти Суғд Достиев А., дода шуд. Номбурда қайд намудананд, ки таҳлилҳое, ки аз ҷониби гурӯҳи кории намояндагӣ дар вилояти Суғд дар КДФ “ХМК”-и н. Истаравшан гузаронида шуд камбудиҳои зиёде ошкор намудаанд, ки аз ҳама асосии онҳо шартномабандӣ бо аҳолӣ ва ҳудуди хизматрасонӣ ва ҷамъоварии ҳаққи хизматрасонӣ ба талабот ҷавобгу нест. Бо дарназардошти гуфтаҳои болозикр директори корхонаи мазкур барои ислоҳи камбудиҳои ҷойдошта аз ҷониби Директори генералӣ то08.08.2022 дода шуд.

Ҷиҳати бартараф намудани камбудиҳои ҷойдоштае, ки аз ҷониби гуруҳи кории намояндагӣ дар вилояти Суғд, ошкор гардидаанд аз ҷумла: ба тартиб даровардани шартномабандиҳо бо аҳолӣ, зиёд намудани ҳудуди хизматрасонӣ ба директорони корхонаҳои тобеъ аз ҷониби Директори генералӣ муҳлати муайян дода шуд.

Барои ислоҳи камбудиҳои ҳалталаби мавҷудаи дахлдор Директорони корхонаҳои КДФ “ХМК”-и н. Шаҳритус, КДФ “ХМК”-и н. Қубодиён,          инчунин тамоми корхонаҳои тобеъ вазифадор карда шудаанд, ки ҷиҳати бартараф намудани қарзҳои дебиторию кредиторӣ, шартномаи байниҳамдигарӣ 8%, ќарзњои музди меҳнат, барқ, андоз, қарзҳои ташкилотҳои буҷетӣ, зиёд намудани ҳудуди хизматрасонї ва нақшаҳо ҷиддӣ чораҷӯӣ намуда, аз натиҷаи он ба тариқи хаттӣ ба Директори генералӣ маълумотҳои дахлдорро пешниҳод намоянд.

Баъдан сухани навбати ба намояндаи Дастгоҳи иҷроияи Президенти Ҷумҳурии Тоҷикистон Амирзода М., дода шуд. Намояндаи Дастгоҳи иҷроияи Президенти Ҷумҳурии Тоҷикистон ба сухан баромада қайд намуд, ки ки ҷиҳати қарори Ҳукумати Ҷумҳурии Тоҷҷикистон №53 аз 27.02.2022 “Дар бораи Барномаи рушди хоҷагии манзилию коммуналии Ҷумҳурии Тоҷикистон барои солҳои 2021-2024” аҳли кормандони соҳа хусусан директорони намояндагиҳо, директорони корхонаҳои тобеъ барои дастрас гардидани маблағҳои ҷудогардидаи соҳаи коммуналӣ бо Вазорати молия ва сохторҳои дахлдор корбарӣ намоянд. Ин чунин ҷиҳати дар сатҳи баланд пешвоз гирифтани ҷашни 35- солагии Истиқлолияти давлатии Ҷумҳурии Тоҷикистон қарори Ҳукумати Ҷумҳурии Тоҷикистон №305 аз 01.07.2022 “Дар бораи ҷашн гирифтани 35- солагии Истиқлолияти давлатии Ҷумҳурии Тоҷикистон” – ро сармашқи кори худ намуда, барои ободу гшулгулшукуфон намудани ватани азизамон саҳм гузор бошед.

Инчунин қайд намуд, ки корхонаҳои тобеи КВД “ХМК” оид ба қарзҳои шарикони рушд бо масъулият бошанд ва марҳила ба марҳила ҷиҳати иҷрои онҳо чораҳои зарурӣ андешида, оиди маблағҳое, ки дар қарори Ҳукумати Ҷумҳурии Тоҷҷикистон №53 аз 27.02.2022 ҷудо гардидаанд, банд ба банд корбарӣ намоянд.

Дар рафти ҷаласа аз ҷониби намояндаи Дастгоҳи иҷроияи Президенти Ҷумҳурии Тоҷикистон ба аҳли кормандон супоришҳои зерин дода шуд. Аз он ҷумла:

-          таъмини оби нӯшокӣ ва рафъи обҳои партов дар миқёси шаҳру ноҳияҳои вобастабуда бозҳам хубтар ба роҳ монда шавад;

-          тақвият додани корҳои ободонӣ ва гулу дарахтшинонӣ дар шаҳру ноҳияҳои ҷумҳурӣ;

-          оид ба ташкил намудани хоҷагиҳои ёрирасон ва гармхонаҳо тадбирҳои зарурӣ андешида шавад;

-          барои бозҳам гул – гулшукуфо ва ободу зебо гардидани ҳудуди шаҳру ноҳияҳои ҷумҳурӣ ба монанди шаҳри Душанбе тадбирҳои зарурӣ андешида шавад;

-          оид ба ҷудо намудани маблағҳои буҷети аз мақомотҳои иҷроияи маҳалии ҳокимияти давлатии шаҳру ноҳияҳо мактуб омода ва пешниҳод карда шавад.

-          ҷиҳати супоридани қарзҳои БАТР ва кам намудани қарзҳои дебиторӣ ва кредиторӣ дар доираи имкониятҳои ҷойдоштаи корхонаҳо корбарӣ намоянд.

-          оиди саривақт ҷавоб гардонидани супоришҳои Ҳукумати Ҷумҳурии Тоҷикистон диққати ҷиддӣ зоҳир намоянд.

     Дар охири ҷаласа Директори генералии КВД «Хоҷагии манзилию коммуналӣ» Давлатзода У. Г., диққати роҳбарони корхонаҳои тобеъро ба иҷрои Амру фармонҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, қарору супоришҳои Ҳукумати Ҷумҳурии Тоҷикистон, фармону супоришҳои КВД «ХМК» ҷалб намуда, директорони корхонаҳои тобеи КВД «ХМК» воқеъ дар шаҳру ноҳияҳои ҷумҳуриро барои дар сатҳи хотирмон ҷашн гирифтани 35 - солагии Истиқлолияти давлатии Ҷумҳурии Тоҷикистон супоришҳо дода шуд.

07.07.2022 Муфассал >>

Ҷамъбасти се моҳаи якуми соли 2022

Ҷамъбасти фаъолияти иқтисодию молиявии

корхонаҳои тобеи КВД «ХМК» дар семоҳаи якуми соли 2022

ва нақшаҳо барои семоҳаи дуюми соли 2022

Имруз дар маҷлисгоҳи Корхонаи воҳиди давлатии “Хоҷагии манзилию коммуналӣ” ҷаласаи ҷамъбастии фаъолияти иқтисодию молиявии корхонаҳои тобеи КВД «ХМК» дар семоҳаи якуми соли 2022 ва нақшаҳо барои семоҳаи дуюми соли 2022 баргузор гардид.

Ҷаласаро Директори генералии КВД «Хоҷагии манзилию коммуналӣ» Давлатзода Усмон Гул ифтитоҳ бахшида, ҳозиринро бо рӯзномаи ҷаласа шинос намуд ва онҳоро ба рӯзаи моҳи шарифи Рамазон табрик гуфт.

Сипас, муовини якуми Директори генералии КВД “Хоҷагии манзилию коммуналӣ” Ғафорзода Ҷ. М., дар бораи фаъолияти иқтисодию молиявии КВД “Хоҷагии манзилию коммуналӣ” дар давраи ҳисоботӣ ва мушкилиҳои дар соҳаи хоҷагии манзилию коммуналӣ ҷойдошта ва ҳалли онҳо баромад намуд (замима мегардад).

Директори генералӣ Давлатзода У. Г., ба таҳлили фаъолияти корхонаҳои тобеъ шурӯъ намуда ба роҳбарони корхонаҳои тобеъ супоришҳои қатъӣ дода шуд:

Дар рафти ҷаласаи мазкур Директори генералӣ оид ба иҷрои супоришҳои Ҳукумати Ҷумҳурии Тоҷикистон дар бораи шартномаҳои уҳдадориҳои қарзии БАТР суханрони намуда, аз ҷониби ӯ вобаста ба масъалаҳои ҳалталаби мазкур ба роҳбарони корхонаҳои тобеъ дар шаҳру ноҳияҳои ҷумҳурӣ супоришҳои қатъӣ дода шуд.

1. Барои ислоҳи камбудиҳои ҳалталаби мавҷудаи дахлдор Директорон ва сардорони корхонаҳои КДФ О ва К-и шаҳру ноҳияҳои тобеи ҷумҳурӣ, КДФ “О ва К”-и ш. Кӯлоб, КДФ “О ва К”-и ш. Бохтар, КДФ “О ва К”-и ш. Истаравшан, ин чунин тамоми корхонаҳои тобеъ вазифадор карда шудаанд, ки ҷиҳати бартараф намудани қарзҳои дебиторию кредиторӣ, шартномаи байниҳамдигарӣ 8%, қарзҳои музди меҳнат, барқ, андоз, қарзҳои ташкилотҳои буҷетӣ, зиёд намудани ҳудуди хизматрасонӣ, қарзҳои солҳои гузашта бо ҳуҷҷатҳои тасдиқкунандаашон ва нақшаҳо ҷиддӣ чораҷӯӣ намуда, аз натиҷаи он ба тариқи хаттӣ ба Директори генералӣ маълумоти дахлдор пешниҳод намоянд.

2. Аз ҷониби Директори генералӣ ба ҳамаи директорони корхонаҳои тобеи КДФ “ХМК” ва КДФ “О ва К” супориш дода шуд, ки барои бозҳам хубтару беҳтар гардонидани симои шаҳру ноҳияҳои ҷумҳурӣ заминҳои барои гармхонаҳо ҷудогардидаро самаранок истифода намуда, барои таъмин намудани обёрӣ чораҷӯӣ намоянд.

3. Дар рафти ҷаласа Директори генералӣ ба саҳми ҳамаи директорон ва сардорони корхонаҳои тобеъ расонид, ки яке аз масъалаҳои ҳалталаби соҳа ин ба пуррагӣ таъмин набудани соҳаи мазкур бо техникаҳои коммуналӣ мебошад, дар ин раванд Корхона дар доираи лоиҳаҳои дар самти мазкур омодагардида бо Ташкилоти байналмилалии JICA – и Ҷопон ҳамкорӣ намуда истодааст, ки дар оянда ин мушкилоти соҳа ҳалли худро хоҳад ёфт.

4. Ба директорони корхонаҳои тобеъ, ки қарздории Бонки Аврупоии Таҷдид ва Рушдро доранд супориш дода шуд, ки барои ҳарчи зудтар бартараф намудани онҳо ҳудуди хизматрасониро зиёд намуда, аз корхонаҳои буҷетӣ ҷамъовариро дар сатҳи зарурӣ ба роҳ монанд.

5. Ба директорони КДФ “О ва К”-и н. Фархор ва КДФ “О ва К”-и н. Ёвон, КДФ “О ва К”-и н. Ҷ. Балхӣ (сармуҳосиб), КДФ “О ва К”-и н. Ҷайҳун, КДФ “О ва К”-и н. Шаҳритус, КДФ “О ва К”-и н. Зафаробод, КДФ “О ва К”-и н. Деваштич, КДФ “О ва К”-и н. Шаҳристон супориш дода шуд, ки аз корхонаҳои буҷетӣ ҷамъовариро дар сатҳи зарурӣ ба роҳ монда, ҷиҳати пардохти қарзҳои ҷойдоштаи корхонаҳои мазкур дар нимсолаи якуми соли ҷорӣ ва аз рӯи нақшаҳои молиявии худ чораҳои заруриро роҳандозӣ намоянд.

6. Дар рафти ҷаласа аз ҷониби Директори генералӣ ба ҳамаи директорон ва сардорони корхонаҳои тобеъ супориш дода шуд, ки ҷиҳати даъват намудани мутахассисони соҳавӣ ба кор, инчунин оид ба рафтор ва муомилаи назоратчиён бо шаҳрвандон диққати ҷидди зоҳир намуда, барои корҳои ободонии корхонаҳои мазкур дар доираҳои имкониятҳои ҷойдошта чораҷӯӣ намоянд.

7. Раҷабов Ҳ. - директори “Маркази таълимию методӣ оид ба ислоҳи ХМК” дар якҷоягӣ бо директорон ва сардорони корхонаҳои обтаъминкунӣ вазифадор карда шудаанд, ки дар тамоми қитъаҳои обтаъминкунӣ ва канализатсияи обанборҳои корхонаҳои тобеъ, ки ба тариқи муҳаррик фаъолият менамояд, маълумотҳои зарурӣ оид ба муҳаррикашон дар даромадгоҳи обанборҳо насб намоянд.

- инчунин барои бозҳам хубтару беҳтар гардидани соҳаи мазкур кормандони ҳайати хизматрасонӣ корхонаҳои тобеъ аз курсҳои бозомӯзии кутоҳмудати “Маркази таълимию методӣ оид ба ислоҳи ХМК” барои бо системаҳои нави обтаъминкунӣ кор кардан гузаронида шаванд (хусусан КДФ О ва К-и ш. Ёвон ва КДФ О ва К-и н. Ҷ. Балхӣ).

8. Шарифов Ҷ. - сардори МД “Сарраёсати Тоҷикобдеҳот” дар якҷоягӣ бо сардорони корхонаҳои зертобеи он супориш дода шуд, ки ҷиҳати пардохт намудани қарзҳои андоз ва музди меҳнати кормандон, инчунин ҷиҳати камнамудани маблағҳои хароҷоти қисми хоҷагӣ чораҳои заруриро дар корхонаҳои мазкур роҳандозӣ намоянд.

9. Инчунин, ҷиҳати зудтар ба анҷом расонидани корҳои сохтмонӣ дар бинои марказии МД “Сарраёсати Тоҷикобдеҳот” чораҳои зарурӣ андешида шавад.

10.Ҷобиров А. – директори КДФ “Идораи махсусгардонидашудаи механизатсия” – и КВД “ХМК” вазифадор карда шуд, ки ҷиҳати таъмин намудани корхонаҳои тобеъ бо ашёҳои дар анбор ҷойдошта ва хокаи хлор дар асоси дархостҳои ирсол намудаашон мусоидат намояд.

11. Исмоилов Т. – и\в сардори Шуъбаи обтаъминкунӣ, канализатсия ва энергетикӣ вазифадор карда шуд, ки ба Корхонаҳои давлатии “О ва К” – и тобеъ сафари корӣ анҷом дода, оид ба талафоти об ва иҷро нагардидани уҳдадориҳои қарзии корхонаҳои мазкур таҳлилҳои дуруст гузаронида, аз натиҷааш ба Директори генералӣ маълумотҳои заруриро ба тариқи хаттӣ пешниҳод намояд.

12. Нуров Ҳ. - Директори КДФ О ва К-и шаҳру ноҳияҳои тобеи ҷумҳурӣ ва сардорони қитъаҳои обтаъминкунии ш. Ҳисор, н. Шаҳринав ва шаҳри Турсунзода супориш дода шудаанд, ки ҷиҳати пардохт намудани уҳдадориҳои қарзӣ аз рӯи нақшаҳо то нимсолаи соли ҷорӣ чораҳои заруриро роҳандозӣ намоянд.

13. Назарализода Р. - Директори КДФ О ва К-и минтақаи 1 вилояти Суғд дар якҷоягӣ супориш додашудаанд, ки оид ба пардохт намудани уҳдадориҳои қарзӣ аз руи нақшаҳои молиявӣ ҳарчи зудтар чораҷӯи намоянд.

14. Абдуллоев Н. – сардори шуъбаи иқтисод, Хоҷаев А. - сардори Шуъбаи истифодабарии хоҷагии манзилию коммуналӣ, гармидиҳӣ ва механикӣ дар якҷоягӣ бо директорони корхонаҳои тобеъ супориш дода шуданд, ки дар бораи Қарори Ҳукумати Ҷумҳурии Тоҷикистон “Барномаи рушди хоҷагии манзилию коммуналии Ҷумҳурии Тоҷикистон барои солҳои 2021 - 2024” аз 27.02.2021, №53 ҷиҳати иҷроиши он корбариро бозҳам хубтар ба роҳ монанд.

15. Ғафорзода Ҷ. М. - Муовини якуми Директори генералӣ дар якҷоягӣ бо директори КДФ “ХМК” – и н. Шаҳиритус вазифадор карда шуданд, ки масъалаи кашонидан ва партофтани партовҳои сахти маишии ноҳияи мазкур дар як ҷои муайян бо Раиси ноҳия мувофиқа карда шавад.

16. Директори КДФ “ХМК” – и н. Восеъ вазифадор карда шуд, ки барои дар сатҳи талаботи ба роҳ мондани фаъолияти соҳаи мазкур дар ҳудуди ноҳия чораҳои зуруриро роҳандозӣ намояд.

17. Директори КДФ “ХМК” – и н. Данғара вазифадор карда шуд, ки ҷиҳати ободу кабудизоркунӣ ва тозагии маркази ноҳия ҳамарӯза назорати ҷиддиро ба роҳ монад.

18. Ба ҳамаи директорони корхонаҳои тобеъ супориш дода шуд, ки ҷиҳати бартараф намудани мушкилотҳои ҳалталаби ҷойдошта, аз он ҷумла: зиёд намудани ҷамъоварии маблағи ҳаққи хизматрасонӣ ва саривақт пардохт намудани қарзҳои мавҷуда, ҷиҳати бартараф намудани қарзҳои дебиторию кредиторӣ, шартномаи байниҳамдигарӣ 8%, қарзҳои музди меҳнат, барқ, андоз, зиёд намудани ҳудуди хизматрасонӣ тартибдодани санадҳои муқоисавӣ бо ташкилотҳои буҷетӣ ва соҳибкорон ҳамкорӣ намуда, дар ин раванд бо корхонаҳои буҷетӣ, инчунин ҷиҳати пардохт намудани қарзҳои “Маркази таълимию методӣ оид ба ислоҳи ХМК” чораҳои заруриро роҳандозӣ намоянд.

19.Барои ислоҳи камбудиҳои ҷойдошта ва дар сатҳи зарурӣ иҷро намудани нишондиҳандаҳои молиявӣ дар назди Корхона ва БАТР, инчунин иҷрои саривақии дастуру супоришҳои Роҳбарияти КВД «Хоҷагии манзилию коммуналӣ» ба як қатор директорони корхонаҳои тобеъ “Ифтихорнома” дода шуд.

20. Тағаймуродова Б. - сардори Шуъбаи кадрҳо ва масъалаҳои ҳуқуқӣ вазифадор карда шуд, ки ҷиҳати бартараф накардани қарзҳои дебиторию кредиторӣ, шартномаи байниҳамдигарӣ 8 %, қарзҳои музди меҳнат, барқ, андоз, қарзҳои ташкилотҳои буҷетӣ аз ҷумла: Директорони КДФ “О ва К” – и н. Шаҳристон, н. Зафаробод, н. Деваштич, н. Фархор ва КДФ “ХМК” – и н. Қабодиён, н. Ҷайҳун ва н. Шаҳритус мутобиқи Кодекси меҳнати Ҷумҳурии Тоҷикистон, нисбаташон чораҳои муҷозотии навбатӣ “Сарзаниш” пешниҳод карда шаванд.

Инчунин қайд намуд, ки корхонаҳои тобеи КВД “ХМК” оид ба қарзҳои шарикони рушд бо масъулият бошанд ва марҳила ба марҳила ҷиҳати иҷрои онҳо чораҳои зарурӣ андешанд.

Дар рафти ҷаласа аз ҷониби Директори генералӣ ба аҳли кормандон супоришҳои зерин дода шуд. Аз он ҷумла:

таъмини оби нӯшокӣ ва рафъи обҳои партов дар миқёси шаҳру ноҳияҳои вобастабуда бозҳам хубтар ба роҳ монда шавад;

тақвият додани корҳои ободонӣ ва гулу дарахтшинонӣ дар шаҳру ноҳияҳои ҷумҳурӣ;

оид ба ташкил намудани хоҷагиҳои ёрирасон ва гармхонаҳо тадбирҳои зарурӣ андешида шавад;

барои бозҳам гул – гулшукуфо ва ободу зебо гардидани ҳудуди шаҳру ноҳияҳои ҷумҳурӣ ба монанди шаҳри Душанбе тадбирҳои зарурӣ андешида шавад;

оид ба масъалаи ташкил намудани гармхонаҳо дар тамоми шаҳру ноҳияҳои ҷумҳурӣ директорони КДФ “ХМК” вазифадор карда шудаанд.

оид ба ҷудо намудани маблағҳои буҷети аз мақомотҳои иҷроияи маҳалии ҳокимияти давлатии шаҳру ноҳияҳо мактуб омода ва пешниҳод карда шавад.

ҷиҳати супоридани қарзҳои БАТР ва кам намудани қарзҳои дебиторӣ ва кредиторӣ дар доираи имкониятҳои ҷойдоштаи корхонаҳо корбарӣ намоянд.

Дар охири ҷаласа Директори генералии КВД «Хоҷагии манзилию коммуналӣ» Давлатзода У. Г., диққати роҳбарони корхонаҳои тобеъро ба иҷрои Амру фармонҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, қарору супоришҳои Ҳукумати Ҷумҳурии Тоҷикистон, фармону супоришҳои КВД «ХМК» ҷалб намуда, барои боз ҳам дар сатҳи зарурӣ ба роҳ мондани фаъолияти корӣ ба директорони корхонаҳои тобеи КВД «ХМК» воқеъ дар шаҳру ноҳияҳои ҷумҳури супоришҳо дода шуд.

Бо ҳамин ҷаласаи навбатӣ ба анҷом расид.

15.04.2022 Муфассал >>


Саҳифаҳо: 1 2 3 4 5 ... 19 Пеш >>